القائمة الرئيسية

الصفحات

أخر المنشورات [LastPost]

أمتا تحل البركة..؟؟

 

أمتا تحل البركة..؟؟

كتب : على خويلد


فيه اللي مرتبه 400 دينار، وفيه اللي مرتبه 1000 دينار، وفيه اللي يخلص 2000 دينار، وفيه طبعاً اللي يخلص 16.000 دينار، وكل شخص شن كتبله ربي في الدنيا.

- مرات تسأل اللي يخلص في 400 دينار عن أموره وصحته وحياته، يقولك الحمد لله في نعمة وبركة من ربي، وتسأل اللي يخلص في 2000 دينار وأكثر، ويقولك الواحد يجري ومش ملحق على شي..

- تعرفوا شن معنى البركة...؟

- البركة لما يكمل الشهر، لا أنت ولا واحد من عائلتك ،مشي للمستشفي أو حد بمرض.

- البركة لما تأكل شوية وتحس بروحك شبعت.

- البركة لما ما ينزلش المرتب، وتعيش بلي عندك وماتمدش يدك لحد.

- البركة لما يرزقك ربي بزوجة تراعي ظروفكن وتصبر معاكنمش تنكد عليك وتزيدك هم.

- البركة لما يرزقك ربي بذرية صالحة ويتربوا صح.

- البركة لما تمشي لي مكان والناس كلها تبتسملك وتقولك الله يرحم ولديك.

- البركة لما ترضى بنصيبك واللي عطاهولك ربي وتقتنع بيه.

 والسؤال اللي يفرض نفيه توا ، علاش ناقصة البركة؟

- لأن مافيش قناعة وإيمان،  لا بالدين ولا بالعمر ولا بالنصيب، ولا بالحن والعطف،  ولا بالجنة والنار اصلاً.

تعليقات

Electronic money exchangers listing